Lao Press Release for Lao Alphabet App, Vientiane Mai Newspaper on May 09, 2013

lao alphabet

 

ຖະແຫຼງຂ່າວ

ປະຈຸ​ບັນ​ໄດ້ມີໂປ​ແກ​ຣມທີ່​ເປັນພາສາລາວ ນຳ​ໃຊ້​ໃນໄອໂຟນ(iPhone), ໄອ​ແພດ(iPad) ​ແລະ  ໄອພອດ(iPod)​ແລ້ວ ​ໂປ​ແກຣມ (ຫຼື ​ແອັບພຣິເຄຊັນ) ແບບໃໝ່ນີ້ ຈະຊ່ວຍ​ໃຫ້ລູກຫຼານ​ຂອງທ່ານສາມາດຮຽນຮູ້ຕົວອັກສອນ ແລະ ສຽງຂອງພາສາລາວ ໃນຮູບ​ແບບທີ່ມີປະສິດພາບສູງ ແລະ ສາມາດ​ເພີດ​ເພີນອີກນຳ. ນອກ​ນັ້ນ ມັນຍັງສາມາດຕອບສະໜອງກັບຄວາມຮຽກຮ້ອງຕ້ອງການຂອງນັກສຶກສາຕ່າງປະເທດ ແລະ ທຸກຄົນ ທີ່ປາດຖະໜາຢາກຮຽນພາສາລາວ​ໄດ້ອີກ​ດ້ວຍ.

ວຽງຈັນ, ສປປ ລາວວັນທີ່ 10 ພຶດສະພາ 2013 – ບັນດາພໍ່ແມ່ ທີ່ຢາກສອນພາສາລາວ ໃຫ້ແກ່ລູກຂອງເຂົ້າເຈົ້ານັ້ນ ໃນປັດຈຸບັນນີ້ ໄດ້ມີແອັບອັກສອນລາວ​ (Lao Alphabet App)ທີ່ສ້າງຂື້ນໂດຍ Appforlao.com ອັນໄດ້ເຮັດໃຫ້ ການສອນພາສາລາວເປັນສິ່ງທີ່ມ່ວນຊື່ນ ແລະ ງ່າຍດາຍຂຶ້ນຕື່ມ​ອີກ. ​ແອັບພຣິເຄຊັນນີ້ ໄດ້ພັດທະນາຂຶ້ນມາ​ໂດຍສະເພາະ​ເພື່ອກະຕຸ້ນໃຫ້ລູກຫຼານຂອງທ່ານ ໄດ້ຮັບຮູ້ ແລະ ລື້ງເຄີຍກັບຮູບຮ່າງລັກ​ສະນະ ພ້ອມ​ທັງ ການ​ອອກສຽງທີ່​ຖືກຕ້ອງ ຂອງ ຕົວອັກສອນລາວ ແລະ  ​ເລືອກ​ໃຊ້​ ແຕ່ລະຄຳສັບໃຫ້​ຖືກ​ວິທີ​ . ການປະສົມ​ປະສານກັນລະຫວ່າງ ສຽງ, ດົນຕີ, ພາບເສັ້ນກຣາຟິກ ແລະ ພາບເຄື່ອນໄຫວ ​ເລົ່ານີ້ ​​ແມ່ນ​ໄດ້​ຊວ່ຍ ​ໃນ​ການ​ຮຽນການສອນ ແລະ ​ເປັນ​ສີ່​ງ​ຈູງ​ໃຈ​ ສຳລັບ ການຮຽນຮູ້​ໄດ້​ໄວ​ຂື້ນກວ່າ​​ເກົ່າ.

ແອັບອັກສອນລາວ​ (Lao Alphabet App) ໃຫ້ການບໍລິການຮັບໃຊ້ຄ້າຍຄືກັນກັບເຄື່ອງມືທີ່ມີຄຸນປະໂຫຍດສູງ ​ເຊິ່ງອອກແບບມາ ເພື່ອສອນພາສາລາວໃຫ້ແກ່ເດັກນ້ອຍ ແລະ ຊາວຕ່າງປະເທດທີ່ມີ​ຄວາມກະຕືລືລົ້ນໃນການຮຳ່ຮຽນ.  ການຮຽນຮູ້ຕົວອັກສອນ ກໍ່ຄືພາສາຂັ້ນພື້ນຖານຕ່າງໆ ແລະ ທັກສະ ການນັບເລກ ໃນຊວງ​ໄວ​ເຍົາ ແມ່ນຈະ​ເປັນການປູພື້ນຖານອັນໜັກແໜ້ນ ​ໃຫ້​ແກ່​ພວກ​ເຂົາໃນການຮຽນຮູ້ໃຫ້ໄດ້ໄວຂື້ນ ແລະ ມີທັກສະທີ່ດີ ໃນເວລາພວກເຂົາກ້າວ​ໄປຮຽນ​ໃນ​ລະດັບວິຊາການ. Appforlao.com ມີຄວາມກ້າຫານ ແລະ ມຸ້ງໝັ້ນ ຢ່າງ​ແທ້​ຈີ​ງ ທີ່ຈະນຳສະເໜີ ​ແອັບພຣິເຄຊັນຂອງການສຶກສາ ໃນ​ແບບພາສາລາວ ​ເປັນ​ເທື່ອທຳອິດ ທີ່​ໃຊ້ ແບບສຳພັດ​ໄດ້​ທາງ ໄອໂຟນ, ໄອ​ແພດ, ໄອພອດ ​ເພື່ອສະໜອງ ຄວາມຕ້ອງການ ຂອງຜູ້ຢາກຮຽນຮູ້ທັ່ງໃນ ສປປ ລາວ ແລະ ຕ່າງປະເທດ. ແອັບອັກສອນລາວ​ (Lao Alphabet App)ມາພ້ອມກັບເຄື່ອງອິນເທີເຟຊ (ຂົ້ວຕໍ່) ທີ່​ໃຊ້​ໄດ້ງ່າຍດາຍ ​ສຳລັບ ໃຫ້ເດັກນ້ອຍ ​ເຊີ່ງມັນສາມາດຊຸກຍູ້​ ແລະສົ່ງເສີມ ​ການ​ມີ​ສ່ວນຮ່ວມໃນການຮຽນດ້ວຍຕົວເອງຂອງເດັກ.  ຮູບແບບ ໃນການສະໜອງຕອບຊຶ່ງກັນ ແລະ ກັນ ທີ່ອຸດົມຮັ່ງມີທາງດ້ານຮູບພາບ ແລະ ສຽງ​ແມ່ນສາມາດເຮັດໃຫ້ເດັກສາມາດຮຽນຮູ້ສະຫຼະ ແລະ ພະຍັນຊະນະລາວ, ແລະ ສາມາດຄວບຄຸມການອອກສຽງ (ສໍານຽງ)ໃນຂະບວນການຟັງ, ການແປ (ຕີຄວາມໝາຍ) ແລະ ການອອກສຽງ ທີ່ໄດ້ອອກໄວ້ສີ່ສຽງ.  ໃນເວລາທີ່​ສັງຄົມ​ເປີດ​ກ້ວາງ ພາສາຕ່າງໆ ​ແມ່ນມີຄວາມສຳຄັນ​ດ້ານ​ການ​ຊື່​ສານ​​​ໃນທົ່ວໂລກ, ເດັກນ້ອຍອາດຈະຖືກດືງ​ໃຫ້ຫ່າງ​ອອກ​ຈາກການຮຽນຮູ້ຢ່າງ​ຖືກຕ້ອງ​ ຂອງພາສາ​ຊາດຕົວເອງ ຢ່າງ​ບໍ່ຮູ້ສຶກ​ຕົວ, ຍີ່​ງ​ໄປ​ກວ່າ​ນັ້ນ​ ແມ່ນ​ການຂາດ​ເຂີນ​ ເຄື່ອງມື ທາງດ້ານເທັກໂນໂລຍີ. ແຕ່ ​ໂປຼ​ແກມນີ້ ມີຈຸດປະສົງທີ່ຈະຮັກສາ​ການຮຽນຮູ້​​ແບບຍືນ​ຍົງກ່ຽວກັບພາສາລາວ ​ໃຫ້​ແກ່ເດັກ ກໍຄື ຂອງຜູ້ໃຫຍ່ອີກ​ດ້ວຍ. ​ນອກຈາກ​ນີ້ໂປຼ​ແກມຍັງ ສາມາດແນະນຳໃຫ້ກັບ ຊາວຕ່າງປະເທດ ຜູ້ທີ່ມີຄວາມສົນໃຈ​​ຢາກຮຽນຮູ້ພາສາ ແລະ ວັດທະນະທຳຂອງລາວ​ເຮົານຳ​ອີກ. ​ແອັບຟໍລາວດອດຄອມ (Appforlao.com) ມີຄວາມປາດຖະໜາອັນແຮງກ້າ ທີ່ຈະສ້າງສັນ​ໂປຼ​ແກມ​ຕ່າງ ສຳລັບການຮ່ຳຮຽນຂັ້ນພື້ນຖານ ແລະ ຂັ້ນສູງ ຂອງ​ພາສາ​ລາວ ລວມທັງ ທັກສະ ການຂຽນ, ການອ່ານ, ການນັບເລກ ແລະ ອື່ນໆ. ພວກຂ້າພະເຈົ້າ ມີຄວາມຊ່ຽວຊານສະເພາະ ໃນດ້ານການພັດທະນາ ສິລະປະເອພຣິເຄຊັນ ທີ່ມີ ນະວັດຕະກຳສູງ ແລະ ​ເໝາະສົມ​ກັບຮູບ​ແບບ ວິຖີທາງຂອງການ​ຮຽນຮູ້ ທີ່ທັນສະໄໝ.  ຢ້ຽມຊົມພວກຂ້າພະເຈົ້າ​ໄດ້ທີ່: http://www.appforlao.com/ ເພື່ອດາວໂຫຼດ ​ແອັບ ອັກສອນລາວ( Lao Alphabet App) ແລະ ຮຽນຮູ້ຫຼາຍຂຶ້ນກ່ຽວກັບແຜນການ ຂອງພວກຂ້າພະເຈົ້າ. ທ່ານຍັງສາມາດຢ້ຽມຊົມພວກເຮົາ​ໄດ້​ອີກທີ່: https://www.facebook.com/appforlao ແລະ ທີ່ https://twitter.com/appforlao.

ເບິ່ງການນຳສະເໜີ  ​ແອັບ ອັກສອນລາວ ທີ່ ຍູທູບ ທີ່: http://www.youtube.com/channel/UCoGaxsHpMfTblS90w2B2Pzw